 |
|
Urban Tibamanya |
A. ssengendo
Mbarara
Minisita w’amatauni Urban Tibamanya wiiki ehweire atweire omu ishengyero eiteeka ry’okutunguura amatauni (Physical planning bill) eri abanyabibiina boona baakiire n’emikono ebiri bakarihinguza.
Eiteeka eri bwanyima y’okuhinguzibwa omu paramenti, risindikirwe owa Purezident kuritaho omukono rikatandika kukora.
Tibamanya arikushoboororera ba MP omu paramenti, agizire ngu eiteeka eri rigyendereire kureba ngu buri ntunguuka yoona erikuza kuba omu tauni ninga okwombekamu eshemereire kugyendera aha puraani.
Agizire ngu obutatunguurira matauni aha puraani nikyo kireetsire akamigano omu tauni n’abantu okuryana eki agizire ngu nikiza kugaruza enyima amatauni.
Obukiiko (bodies) oburikuza kureeberera eiteeka eri kureeba ngu ryateebwa omu nkora butairweho kurugira kimwe omu kanso z’amagomborora.
Eiteeka aritaire omu paramenti Orwakashatu, baamemba ba paramenti baarihinguza Orwakana nikwo kurisindika owa Purezidenti kuritaho omukono.
Niriza kuba nirikora omuza trading centers, tauni empango, za munisiparite n’obundi butauni bwona bw’omu Uganda.
Arikugamba n’orumuri, Minista Urban Tibamanya agizire ngu omu Uganda harimu za tauni kansom zikurenga 120, za munisiparite 13 hamwe n’orurembo 1 ( city) zoona ezi agizire ngu niziteekwa kukuratira eiteeka eri omu kukora entutunguuka.
Published on: Sunday, 7th February, 2010
|
