|
Fred Turyakira
Mbarara
AMASHOMERO ga Namagunga,Budo na Naalya SS nigo gakozire kurungi kusinga agandi omu bibuzo bya S 6 by’omwaka oguhweire ebirugire kushohozibwa UNEB.
Gakuratirwe Kitende ,Kisubi,Kitovu Kisubi Seminary, Kawempe Muslim, Ntare na Namugongo.
Amashomero aga gavumenti nigo gasingire agandi omwihanga
ryoona.
Okucondooza okukozirwe abakugu ba Examination board bashoize orukarara nk’oku gasingasingaine.
Bagyendeire aha bubonero obu abeegi bakozire omu gureedi zoona ,wagabira (divided) omubaro gw’abeegi abakozire ebibuuzo omu buri eishomero.
Okukora omu mashomo nibagyendera kuruga ahari A ey’obubonero bwingi na kuhitsya ahari F ei abarikuba bahikizeho enkomo (bataine akabonero na kamwe ). Kwonka omwegi orikwihayo akabonero kamwe (1) naba aine O.
Orikuba aine A naba aihireyo obubonero 6, B nebara obubonero 5, C nebara 4, D nebara 3,E nebara 2, F noba otaine akabonero kandi O noba oine akabonero 1.
Amashomero amaingi agasingire n’agarikushangwa omu tauni, omwaka ogu amashomero aga Mixed na Single goona gakozire kurungi kutari nk’okubatura nibagira ngu aga Single nigasinga aga Mixed.
Amashomero aga Single agakozire kurungi harimu Namagunga, Kisubi, Kitovu,Ntare,St.Josephs Nsambya, Nabisunsa ,Gayaza na Namilyango .
Reero Budo,Naalya SS,Kitende,Kawempe Muslim na Namugongo nigo amashomero aga Mixed agakirizyo okukora kurungi harimu aha beegi 96,741 abashutamaire ebibuuzo omwaka oguhweire, 98.6% bakahika ebibuzo bya S 6 (Uganda Advanced Certificate of Education), 98.2% bonka nabo bakahika ebibuuzo ebyo. Omwaka gwa 2009 omubare gw’abeegi abaihireyo akabonero ka A (erikubara obubonero 6)ekeyongyera wagyeragyeranisa n’omwaka ogwahweire. Okugwa kwa abeegi omwaka ogu kweyongire.
Orukarara rw’amashomero oku gakurateine niruza kushohora wiiki erikwija. Abandi abarikujaguza
Published on: Monday, 8th March, 2010
|
